السلام عليكم ورحمه الله وبركاته
عندى كده كام نكته وياريت يعجبوكم
1- مره 3 اطفال راحوا محل لعب واحد بيقول للراجل : عمو عمو عايز بلونه الراجل جاب السلم وطلع وجاب له بلونه ونزل فسأل التانى وانت عايز ايه ؟ قال له بلونه .... قال له ماقلتش ليه وانا فوق !!! المهم طلع وجاب له بلونه وهو فوق سأل الولد التالت قال له وانت كمان عايز بلونه ؟ رد الولد وقاله لاء ... فنزل الراجل وقاله امال عيز ايه ؟ قاله عايز بلونتين.
2- واحد قال لأبوه عايز اكمل تعليمى بره قال له وماله مافيش مشاكل , قول لأمك تفرشلك ف الحوش بس خد بالك لتبرد.
3-تهنئه من محشش ياعنى مسطول : بمناسبه عيد الام المبارك اهنئكم برمضان جعله الله عليكم زواجا سعيدا وكريسميس خير وكل عام وانتم بخير بمناسبه السنه الجايه مع تحيات مرض الزهايمر.
4- اتنين محششين :بيتفرجو ع مطش فالمزيع بيقول " دربكه ف الدفاع ,دربكه ف خط الوسط ,دربكه ف الهجوم ,اوباااااااااااااااااااااااا جوه الجون "
فالمحشش قال لزميله اظاهر ان دربكه ده لعيب ميه ميه .
5-مسطول بيقول لصاحبه :ياأخى امبارح دخلت فيلم هندى هايل بتاع راجل وست ماشيين لقوا طفله ف اللفه خدوها وربوها لغايه ماكبرت وف الاخر طلعت امهم.
6-مره واحد قابل واحد قاله الساعه كام قاله خمسه وخمسه فرد عليه المسطول وقاله ماتعرفش تقول عشره وخلاص.
7- لغز محشش: قطار يمشى 60كلم ف الساعه فكم عصفور ف الشجره اذا كان البيبسى ب 75 قرش؟.
8- غبى دافن نصه ف الارض ليه؟؟؟
بيصور كليب انا عايش ومش عايش.
9- مره واحد طويل جداااا شرب اللبن مات ليه ؟؟؟؟
عشان اللبن صلاحيته انتهت قبل ماينزل ف بطنه .
10-مره واحد راح يشترى ساعه لقاها غاليه اشترى 5 دقايق.
انتظرونى بقى ف نكت احلى من كده كمان
بس اهم حاجه يكونو عجبوكم
العرض العادي
