بسم الله الرحمن الرحيم
اللهم صلي وبارك على سيدنا محمـــــــــــــــــد
المكان: اى حتة فى مصر
الزمان: يوم من ايام 2060
الحفيدة: جدو تامر ازيك ... حلو البدى اللى انت لبسه
دة بس ده موضة قديمة قوى يا جدو
الجد: يا بنتى انا راجل دقة قديمة وبلبس زى ما جيلنا اتعود
وحسب التقاليد القديمة بتاعتنا
الحفيدة : ايوة بس مش حاسس انك مخنوق وانت لبسوة؟
أبدا ده اللبس المحتشم اللى المفروض الكل يلبسه
ويحافظ علية ... فين ايام زمان لما كنا نلبس البدى اللى مبين البطن
والظهر مع البنطلون الاسترتش الجلد والجوانتى الجلد كانت
حاجة اخر روشنة
الحفيدة: ياه يا جدو ده انتوا كان لكوا تقاليد غريبة خالص
الجد: وهو انتى قاكرة ان ايامكم دى ايام؟ يا بنتى ايامكوا
دى ما يعلم بيها الا ربنا .. فين ايام سنة 2000 هو الواحد فينا كان
يستجرى يشرب سيجارة البانجو قدام ابوة؟ طب دة كانت الدنيا تتقلب
ساعتها ومتتعدلش .. أمال اية؟ كان فية حاجة اسمها أخلاق
الحفيدة: معقولة يا جدو للدرجة دى
الجد: امال انتى فاكره ايه ؟ ... وبعدين كانت الست من دول
ما تلبسش اللبس الخليع بتاع اليومين دول .. يعنى الجيبة لا يقل طولها
عن شبر ونص وكانوا الستات بيلبسوا فوقيها بلوزة باستمرار
مش زى دلوقتى
الحفيدة : يا خبر واية كمان يا جدو؟
الجد: حقولك اية ولا اية؟... يعنى خدى عندك مثلا زمان
كنا نسمع الطرب الأصيل لمطربين حقيقين زى مصطفى قمر
وعمرو دياب وكانت الأغنية مدتها أكثر من دقيقتين متواصلين من الطرب
الأصيل والموسيقى الهادية الراسية اللى تعمر النفوخ صحيح كانوا
مطربين روشين واخر طحن.
الحفيدة: وبعدين ؟
الجد : وبعدين كنا نسمع عن حاجة اسمها اسطوانات ليزر ودى صحيح
تعتبر متأخرة دلوقتى بس كان ليها طعم عن دلوقتى ..يا سلام لما كنا
نحطها فى الوكمان ونعلقة فى حزام البنطلون ونمشى فى الشارع
كدة كانت ايام جميلة
الحفيدة: حكاويك ممتعة قوى يا جدو .. وبعدين؟
الجد: أحلى ايام كانت ايام الدراسة الفصل كان ايامنا عدد التلاميذ فية
ما يزدش عن ستين سبعين تلميذ وكنا ساعتها بنعرف نفهم كويس
مش زى دلوقتى وكانت ايامنا الشوارع ايامها فاضي ة لان مصر كلها
كان 70 مليون بس مش اكثر تخيلى الروقان اللى كنا فية؟
الحفيدة: 70 مليون بس؟!
الجد: امال اية علشان كدة كانت كل حاجة رخيصة مثلا كيلو اللحمة
يوم ما يضربه الدم كانت ب 25 او 30 جنية وكان اتخن جوز جزم
ب 500 جنية وكان الواحد يقدر يشترى شقة تمليك ب 150.000
جنية بس وكان الدولار ب 5 جنية بس تخيلى؟
الحفيدة: ياه دا كان الجواز على ايامكم سهل خالص
الجد : امال اية ده احنا الواحد منا كان بمجرد ما يوصل
سن 35 سنة يتجوز عالطول .. احنا يا بنتى كانت ايامنا البنت لا يمكن
تتاخر بره البيت بعد الساعه 4 صباحا طب ده باباها كان ممكن
ساعتها يخاصمها
الحفيدة : ياه دا انتوا كنتوا متشددين خالص يا جدو
الجد: يا بنتى احنا اتربينا على الاخلاق والفضيلة والعادات والتقاليد
يعنى كان الواحد مننا زمان لما يدخل الاسانسير ويلاقى جاره
يروح مصبح علية ومش بعيد يساله عن احواله وكانوا اهل الفن
محتشمين جدا وكانوا دايما يطلعوا بالمايوه البيكينى وكان التليفزيون
يذيع افلام زى اللى بيزعها دلوقتى والمذيعات كانوا بيقعدوا جنب
الضيف مش على ركبته زى... هيي ييية الله يرحم دى ايام ..
الحفيدة: رايح فين يا جدو؟
الجد: اصلى كنت موصى الجزار على 2 كيلو لحمة واديتة 3000 جنية
عربون وعايز اروح اشوفوا خلص ولا لأ ... تشاو .. سى يو
وشكرا لجدو والحفيده
l.m
العرض العادي
