البنت احسن من الولد موضوع تحفه واللى مش هيقرئة هيخسر نص عمره
بعد التدقيق والتدوير والتنقيب
اثبتت التحريات ان البنت احسن من الولد والاسباب كثيرة منها:
- تتكلم براحتها في التليفون وابوها او جوزها هو اللي يا عيني هيدفع الفاتوره
- البنت مش ملزمه تجهّز نفسها.. ابوها او خطيبها هم اللي حيدفعو دم قلبهم
- مفيش حد بيبص على بدلة العريس ، كلّه بيركز في فستان العروسه
- لو واحده عملت مخالفه مرور تعيّط شويه للظابط وهو يعدّيها ...و لوّ!!
- البنت مش ملزمة تدفع ضرايب. ابوها او جوزها الغلابة بيدفعوها
- لو واحده متاخّره على المحاضره ممكن الدكاتره يدخّلوها. بس لو كان ولد يقولوله: روح يا بابا كمّل برّه في الشمس
- لو حصل زعل بين البنت وباباها مش هيطردها برّه البيت بس هي يدوب تدخل الأوده وتعيّط شويه وبابا يروح يصالحها. أما الولد فيدوب يلحق مكان ينام فيه جنب البواب
دلع البنات :
ياختي يا قميله ( سنتين)
يا عسوله (5 سنين)
يا عروسه (12سنه)
يا قمر(18سنه)
يا هانم (40 سنه)
يا ست الكل (50سنه)
يا أم العيال (60سنه)
دلع الأولاد:
انت ياااد (10 سنين)
انت يا شحط يا بهيمة دا انت بقيت أد التور اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك أد الكوز (60سنه)
شوفتوا بقى ان الولاد مظلومين أوى وحقهم را يح.
البنت أحسن من الولد..مهياش كماله عدد..
