أعتبرني كيف مانته تعتبرني !!

[miss_qtr]

هذه القصيدة جديدة وأتمنى تعجبكم وتم نقلها من أحد المواقع

(( إعتبرني ... ))


أعتبرنـــي كيــف مانتـــه تعتبرني ... وفي الأخيـر العذر يبقـى بختياري

أدري بطبعـــــك تحــاول تختبرني ... لأنّــك تعـــوّدت منّـــــي الإعتذاري

ذاك لوّل وأعتـــرف حبّــك جبرني ... يـوم كنت أفديــك بعيونــي وشاري

لا تحسب الوقت من دونك حقرني ... حتى لو راهنت في شوف إنكساري

ما خسرتـك إنت لـي قلبك خسرني ... والزمـــــان دروس للــي ما يداري

تحْسـب أنّك يوم عزّمــت تهَجرني ... وإتعــذّر تطلـــب الحـــب الحضاري

راح تلقــى مـن يعوّضـك وقهرني ... ما تعَـرف إسلوبـــك مبيـّن وظاري

يرتسم في عيونك اللي ما غترني ... بـس كنــت أغـــظ لعيونـك وأجاري

مشكلتــك اليــوم باقــي تفتكرني ... راح أجيلك مندفـع مالشــوق واري

ما عرفــت أنّـّك مطـوّل تنتظرني ... مثــــل ما علّمتنـــي طــول إنتظاري



من قصائد الشاعر / جمعة بن نايم الكعبي

[adel2006]

سلمت على الحروف الرائعة
ولا حرمنا من هذا العطاء المتجدد ...


الذي يحمل نبض المشاعر الرائعة ...
ولكى تحياتى
وكل عام وأنتى بخير

[miss_qtr]

مشكور أخوي عادل على مرورك