اعذرني
جمعت اوراقي واقلامي فساعة صدق مع نفسي
ابي اكتب ابي احكي لقيت الحرف يكتبني
لقيته بسرعه ماتوصف نظم كم بيت من امسي
وبدى يعزف على الاوراق لحن موجوع احرقني
وتلاه الصوت بالمغنى على موّال من همسي
ينوح الطير لاسمعه يبي المحبوب يعتقني
حبيب القلب يتمنى يشوف النور مع شمسي
يبي الاحوال تتبدّل وذاك الهم يتركني
نظرته بعين فارقها لذيذ النوم ماتمسي
وقلت ارجوك يالغالي ترى الترديد عذبني
انا يالغالي مشكلتي ماهيب ديون او كرسي
انا مشكلتي موالك حبيبي ارجوك ارحمني
حبيبي شلون تتمنى تشوف النور مع شمسي
وانت بدافع الغيره بدون شعور تخنقني
اذا للحين ماتعرف وش مقدارك بنفسي
اجل انساني لو تسمح ونا بنساك صدقني
بذا الاسلوب لو ترهن حياتك كلها فخمسي
لاقول والله مابيها مدام هالشيء بيتعبني
بقلمي
نبضة متواضعه
لاذواق عاليه
اعذرني
[
العرض العادي
