استقالتى من رابطة الحبيب المصطفى صلوات الله وسلامة علية

[رونى2002]

اولا ليا عتاب عندك يا عبد الرحمن

انا على فكرة كتبت الموضوع وبردوا محمد سمير مشفوش

واحمد هو اللى قراة

ومش احمد اللى بينقل المواضيع دول المشرفين

وانا شايفة ان مكانة الطبيعى فى منتدى المواضيع

الاسلامية مش فى همس

وعلى فكرة انا مواضيع كتير ليا اتنقلت ومزعلتش كدة

انت صحيح ليك الحق تزعل بس مش لدرجة انى تقول هستقيل

دى حاجة مش كويسة انك تقابل الحاجة اللى مزعلاك فى الانسحاب

انت كان لازم تواجة الموقف وتشوف المشرفين اللى نقلوا المواضيع

نقلوة لية يمكن يكون ليهم راى تانى

وانا متأكدة ان محمد لو كان قرأ الموضوع او اى حد من المشرفين

قرا موضوعى واهتم بة كان اكيد نقلة

لكن اللى قراة ناس اعضاء زى وزيك

ويمكن سا عتها كنت مش هزعل لان الموضوع متحذفش لا

راح لمكان فية ناس تانية بردوا اكيد ممكن يقدروا اكتر

ومش عوزاك تستسلم اكيد فى اول جولة

دور على مواضيعى كدة هتلاقى نصها منقول من غير علمى

زعلت صحيح شوية بس حسيت ان دة مكانها الطبيعى

وهمس دة مكان الشعر والشعراء الفنانة الى بتقدر الشعر

وانت موهوب انا مش عوزاك تزعل قوى كدة

ياريت تحاول تفكر تانى

وتستنى تشوف محمد هيقول اية؟

وبراحة عليا شوية والنبى؟

ههههههههههههههه

انا لسة بقول يا هادى

[نهى الالباب]

اخى عبد الرحمن
نصيحه من اختك الكبيره بجد
اجتهد فى شغلك او فى عملك ولو رد عليك شخص واحد
واستفاد منك يبقى حققت نجاحك
لان استمراريتك مش من اول موضوع
وكمان لو لاحظت الفتره اللى فاتت نشاط الرابطه قل
لان اكيد كلنا مشغولين بحاجات
يعنى مقصرين غصب عننا
يعنى انا مثلا بما انى مدرسه مشغوله بلجان المراقبه والتصحيح
واكيد كل حد مشغول
مش قصده انه يقولك انت ملكش لازمه
وبعدين انت اتكل على الله واجتهد
نزل موضوع تانى
احسن من الاول
وكمان ااكتب ان شاء الله لشخص واحد
مادام عايز يتابع قلمك يستاهلك
عشان تبقى مبدع او ناجح اكتب للى بيحب قلمك
واتمنى ماتكنش زعلان منى
واتمنى تستفيد من نصيحتى حتى فى حياتك بره المنتدى والرابطه
ومتستقلش من الرابطه اثبت وجودك احسن
اختك
نهى الالباب

[ahmed1907]

السلام عليكم


انا بقول السلام عليكم


يا عم عبد الرحمن


دة اولا


استنانى فى الرد التانى

[agda3 nas]

ااااااااااااااااااا

[ahmed1907]

((((((((((( للأسف حاجة ضايقتنى جدا انى اكتب الموضوع ورئيس الرابطة مايشفوش ولا يقولى رأية فية اية ! يعنى مفيش تشجيع 0000 يعنى بوضوح احنا مسغنين عن خدماتك ياعبدالرحمن ))))))))))


والله يا عبد الحمن انا ماشفت الموضوع لانة اتنقل همس القوافى وانا بصراحة مقل جدا جدا جدا فى الدخول الى هذا القسم لضعف اهتمامى بالشعر وانت فى اكثر من رد قلتلى عاوز انزل مواضيع وانا لما كنت بقولك لسة

كان والله قصدى اانا فى الرابطة شاغلين بالفريق الاول بس دلوقتى لحد ماتخلص الامتحانات وبعدين هنشغل كل الفرق ان شاء الله


وانا قلتلك الكلام دة اكتر من مرة

وعلى فكرة رانيا نزلت موضوع فى نفس الفريق

وانا رديت علية

وقلتلها واسالها انك ماخدتيش اذن تنزيل المواضيع الخاصة بالفريق السادس لكنى احترمت حماسها


والاعضاء الى بيقولوا نك محدش مقدرك مين قال الكلام دة

لو انا مش مقدرك يا عبد الحمن

مكنتش طلبت منك انك تحضر اجتماع للفريق الاول وانت مش عضو فية

حصل ولالا فاكر



على العموم متزعلش


وانسى تماما موضع الاستقالة دة


ودة امر من الريس بتاعك


سامع ولا لا


ههههههههههه


خلاص يا عبد الحمن


ماشى


السلام عليكم ورحمة الله وبركاتة

[MASK]

بس يا عم الحج
الريس بحاله نور
لو قلتلى لسه مصمم
هولع فيك وفى الياهو وفى الدنيا " ايه ده انا شغال بتاع حرايق "

[محمد سمير على]

	بصراحة وبدون مجاملات وكلام مذوق .. انا اضايقت جدا جدا لما قريت الموضوع ده .. وهافسر سبب ضيقى فى نهاية الموضوع بعد ما اوضح وجهة نظرى " او بمعنى اصح ابرئ نفسى من الاتهام اللى موجهولى الاخ عبد الرحمن "...... ــ بخصوص النقد او الاتهام الموجه الى من عبد الرحمن والذى يتهمنى فيه انى نقلتله موضوع كان منزله على الرابطة وفيه يمدح الحبيب المصطفى .. انا بالفعل نقلت الموضوع لعدة اسباب تتلخص فى : " الموضوع عبارة نظم شعرى وهو مايناسب منتدى همس القوافى ولا يناسب المنتدى العام ــ ارى انه يجب الا يقتصر نشاط الرابطة على المنتدى الاسلامى والمنتدى العام فقط لذا نقل الموضوع الى همس القوافى احدى وسائل الانتشار " .. وقد شرحت وجهة النظر دى لعبد الرحمن من قبل .. بل وتفهم وجهة نظرى هاتقولولى طب وما نقلتش موضوع رانيا اللى بيقول عليه عبد الرحمن ليه ..؟ هاقولكوا بمنتهى البساطة انى ماشوفتوش .. واعتقد ان الدليل على كده انكوا مش هاتلاقوا ردى فى الموضوع زى ماهو موجود غى موضوع عبد الرحمن .. نيجى بقى لاسباب غضبى من موضوع استقالة عبد الرحمن 1 - المفروض ان كل واحد فكر يشترك فى الرابطة يكون غرضه الاساسى منها ابتغاء مرضاة الله ورسوله .. مش مين رد ومين ماردش 2 - لما بيكون ليا عتاب عند شخص عزيز عليا بقوله بينى وبينه .. مش على الملأ .. وهو مافعله معى عبد الرحمن مرتين فالاولى عندما نقلت له الموضوع واخذ يشكونى على صفحات المنتدى للاعضاء دون حتى الرجوع الى للاستفسار .. والثانية الان ملحوظة لقد طرحت ثلاث موضوعات للرابطة فى المنتدى العام .. وعندما سمعت بأن هناك شكاوى تقول ان هذا ليس مكانها الطبيعى نقلتها للمنتدى الاسلامى وهو ما لم يلاحظه الاخ عبد الرحمن .. اتمنى انى اكون وصلت وجهة نظرى .. وكم انا مستاء لما يحدث وشكرا

[رونى2002]

الحمد لله ياريس شوفت انك مشوفتش موضوعى

اعترف وقر وانا كل موضوع بتكتبة بقراة

بس عشان تعرف
على العموم دى حاجة متزعلنيش انا عارفة مشغولياتك
لكن انا معاك ان كل حاجة لازم تتحط فى مكانها الطبيعى
وعلى فكرة
زعلانة منك قووووووووووى
وعمرى مهقولك السبب ابدا

[KELMA]

والله بجد لو اعرف ان الاستقالة دية هتزعل احمد ومحمد سمير ورانيا 0000 انا عمرى ماكنت فكرت فيها ابدا 000 بس بجد انا عملتها لحظة غضب 0000 ومش عارف اقول اية لماسك (محمد) ونهى الالباب على النصائح الغالية اللى قالوها ليا 00000 الفراشة البيضاء انا عمرى ماضايقت ان الموضوع اتنقل همس لانى عارف ان همس لية شعبية كبيرة جدا اللى ضايقنى ان الموضوع اتنقل من غير اتفاق00000 وعلى العموم حاضر يااحمد انا هرجع بس مش عايز حد يزعل منى 0000 واكيد لينا كلام تانى على الايميل يااحمد انت ورانيا ومحمد0000 وماتزعلوش بقى

[KELMA]

رونا الف شكر على ردك ومش عارف اقولك اية انتى بجد صديقة غالية جدا0
اتمنالك السعادة

[mohamed shawqi]

بسم الله الرحمن الرحيم
دخلت متاخر قوىىىقوى ياعبد الرحمن ظروف النت عندى هى اللى عملت انى رديت متأخر ..وللأسف مكنتش واحد من اللى نصحوك قبل الباش مهندس احمد واحمد حبيبى ابن سمير ....اولا كلمة اخيرة انشاء الله ..ولوان الجميع عملوا كل مافيه خير لك
..كلمتى هى ..صلى على رسول الله ...شفت بقى انت داخل الرابطة ليه ؟
علشان بنحب الرسول كلنا مش علشان نزعل من بعضنا اللى يرد على الكلام يرد وده حرية والحب الأول والأخسرلا لله والرسول ..ينفع لو واحد غريب((؟؟!!)) قرأ الحوار ده اللى داير حيقول ايه ؟ ادى رابطة محبى رسول الله ..ياراجل والله ..تستقيل من محبة( الرسول) اخس عليك والله اخس.
.
مشكور كل من عاتب اخينا عبد الرحمن وكل من رد عليه فى هذه الاستقالة
الغ