يا شاعر العشق نغم ع القانون والغاب
قول الكلام اللى خلى الطفل شعرة شاب
المعدن الحر مهما جارت الايام
يفضل اصيل معدنة لو يندفن ف تراب
يرجع لاصلة الكريم مهما تأسى الايام علية
زى الاصيل معدنة مهما بعد او غاب
والقلب الآخضر مدام سكن الغرام جواة
ومدام عشق واتعشق عمرة مايبقى خراب
يا حلوة يا ام الضفاف والوادى والسدين
يا مهفهفة ضلتك ومرعرعة البلاب
مليا السواقى دهب وبتروى كل الناس
عيشك وملحك عسل واهوجة على الطبطاب
والكل بالمغرفة وبأيدة وف حجرة
عمال بيغرف بقة ماهو كلنا احباب
بأيدين شبابك يا غالية تدى ماتخبيش
خيرك على بقهم والطعم الذ وطاب
قالوا اللى داق ميتك لابد يرجعلك
واللى يقول غير كدة يبقى البعيد كداب
لو قسموا محبتك مابين حبيب وحبيب
هو اللى حب وهجر زى اللى داب ولا تاب
واللا اللى يا خد ويدى ف الهوى يبقى
زى اللى ف محبتة عمرة لاخد ولا جاب
الحب جوة القلب زى الهوى والنور
ماشى طبيعى كدة ما تشرحوش اسباب
مابين فؤادى وبينك خمسة وخميسة
بينى وبينك كدة طبع الهوى غلاب
لما انت حلوة كدة والكل بيريدك
والوش زى القمر لية عفروة بتراب
مكتوب علينا الجهاد برة وجوانى
وكلمة الحق حلوة ليكى جرانى
يامية ومعطرة يا شهد ربانى
يا جامعة ف محبتك مسلم ونصرانى
وشهامة ابن البلد لو حتى بيعانى
الصحة والستر عندة غايات وامانى
وان كل معايا ف سبت عمرة ما ينسانى
حتى جريد البلح ميل وحيانى
واللى بنى مصر ف الاصل فكهانى
نفسى ابوح بالغرام بس انتى منعانى
وباحب فيكى الامل يا معلية شانى
انت اللى باقية وانا مهما اعيش
لازم هموت تانى ؟!
انا اللى باقية ؟
العرض العادي
