فى بلدتنا المطرية دقهلية ليست هناك وسيلة تسلية خارج البيوت الا المقاهى المنتشرة فى ربوعها
ونظرة واحدة على المقاهى تستطيع بها ان تستطلع الحالة الاقتصادية لبلدتنا فإذا مررت صباحا على قهوة ساعة لقلبك وووجدت نجارى المسلح وعمال الكهربا والخرسانة والسباكين وكافة طائفة المعمار يلعبون الدومينو فاعلم ان الحالة بياضة او بلغة اهل المعمار لا ضربنا سكينة ولا دقينا مسمار .
والارض فى بلدنا ترابية تعلو وتنخفض مليئة بالزبالة وكل ما تتخيله من ملوثات البيئة الحمد لله متوفر لدينا بوفرة وفى ليلة قارصة البرودة وانا تحت البطانية واللحاف قررت الخروج وعندما تعثرت قدماى بشىء اخترق الحذاء الوحيد الذى املكه فإذا بى اجد شيئا حديديا علاه الصدأ واستغربت وظننت انه خاتم من الماس او من الذهب وما ادراك ما الذهب فالجرام بالمصنعية عند الجواهرجية اصبح يقارب المية اى المائة جنيه . فأخذت ألمع فى هذا الخاتم الذى بدأ اصفراره فاعطانى حافزا لكى ازيل من عليه المزيد مما علاه من صدأ وفجأة وبدون سابق انذار تصاعد دخان كثيف حتى ظننت ان هناك حريقا تم اطفاؤه ونظرت يمينا وشمالا رأيت ماردا من الجن يرتعش من البرد ففركت عيناى وسمعته يقول بصوته الجهورى المرتعش من البرد : شبيك اه تكتكتكتكتكتك لبيك يا نجدى الدنيا برد خلصنى اطلب ما تشاء .
فإنجعصت على الرصيف المقابل ووضعت ساقا على ساق وصحت فيه : مالك بردان كده ليه تحب ادخلك الخاتم تانى صاح بمسكنة : انا ما صدقت اطلع يا ظالم انت ما عندكش رحمة ؟
ففاجئت المارد قائلا : ما تقوليش ليك تلات طلبات انا اطلب براحتى وتفضل معايا على طول اشمعنى علاء الدين .
فرد سليط اللسان قائلا : يادى الليلة النكد انتوا جرى لكوا ايه يا بنى ادمين ان وريا مراتى والعيال .
فرمقته بنظرة ناريةفأجاب : لأ بأه هى كل الحكايات تلات طلبات اشمعنى انت يعنى طالع فيها ؟ صحيح مصرى فرعون .
فرددت عليه فورا : وكمان بتشتم يا فركوس يا ابن حنتوش اما مارد قليل الادب .
فصاح مستغربا : وكمان عارف اسم ابويا الله يخرب بيت الانترنت والاقمار الصناعية الديجيتال مش الانالوج . اشرت له ان يصمت فسمت وامرته عايزين شوية فلوس كتير وعربية مار سيدس طولها 4متار وشد شعره وصاح : فلوس ؟ فلوس ايه يا خويا واستطرد : تصدق بإيه يا شيخ انا بجرى على قبيلة جان بحالها ويدوبك بناكل من الزبالة بالعافيةوبعدين البنوك كلها روح ده انتواوعلشان اريحك الفلوس لها نمر انت عايز تودينى فى داهية انت عايز تروح فين بتقول ايه عربية مرسيدس دى عايزة نمر ورخص وشغلانه وادفع هنا وادفع هاك وجمرك وفى الاخر الكمائن بتاعة المرور والشرطة بتلم كله عمال على بطال مرة رخص ومرة امن ومتانة يا عم دخلنى الخاتم تانى الله يخرب بيوتكوا .
فقلت بمسكنة وخزى : يعنى يا ربى ما توقعنيش غير فى خاتم 2007ورجوته الا يدخل وهو مصمم على انه مالوش عيش فى البلد دى وانه يروح دول الخليج احسن وبعد مداولات وحيث اننى معجب بمحمد على باشا ونفسى ومنى عينى اشوف القصر اللى اجدد ده قلتله : طب يا عم ودينى قصر محمد على بيقولو اجدد عايز اتفرج عليه عايز اشوفه
فأجاب على الفور زانت تروح ليه وتتعب رجليك ان اجبلك القصر هنا واجيبلك محمد على باشا نفسه فكرت قليلا ثم قلت !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!
وللحديث بقية ان كان فى العمر بقية لتعرفوا ما ذا جرى بينى وبين محمد على باشا والجنى ووزير الثقافة
مهندس محمود النجدى
قصه خاتم سليمان..2007 وخادمه المسكين الغلبان
