تصدق عيد ميلادي يصـادف موعـد الفرقـا؟!
حضرت بنفسك توّجب خفوقي والهدية طعـون
لك الله يوم وادعتك أحـس الدمـع بـي يرقـا
أببكي بس دمعاتي عصــتني واخذلتنـي عيـون
صرخت ب(ليه) واغتالت شعور المهمله حرقـا
وقلبي زادهـا بلّـة ورحّـب بالشــــــقـا مليـون
لعينك لو تقول ان السما خضـرا وهـي زرقـا
أصدّق والغي المنطق وأبـــــدّل فطنتـي بجنـون
ذكرتك ..وانتهى حلم الكرامة وأصبحـت سرقـا
وجيتك...وأدري ما عادت وصوفي تعجبك بفتون
طلبتك وان حصل شفت العيون بدمعتـي غرقـا
تجاهل ضيقتي وخـــلني أرد لعالمـي المحـزون
مجرّد شوفتك تكفي خفوقـي مـن بعـد شرقـا
تأكّد ..دامك بخير وسعــــــاده كـل شـي يهـون
تصدق عيد ميلادي يصـادف موعـد الفرقـا؟!
العرض العادي
