الزمالك برضه فريق مصري

[حياه مشرقه]

حصلت حاجه انهارده ضايقتني جدا وهي اني سمعت حوار في الكليه بين بعض الشباب والبنات
مضايقين اؤي بسبب الزمالك
في الاؤل لما سمعتهم بيقول يا خساره التعادل افتكرتهم كانوا نفسهم الزمالك يفوز
لكني صدمت لما سمعت واحد منهم بيقول خساره اهلي جده كان هيغلب الزمالك في الشوط التاني ده هما كانوا اقرب للفوز استغربت
ولقيت البنات اللي معاه بيقولوا دا احنا فضلنا ندعي ان الزمالك يخسر
بس ان شاء حيخسروا من الهلال السودني في لقاء العوده
زملتي اللي كانت معايا زملكاويه زيا
لاقيتها بتقولهم هو الزمالك ده برضه مش بيثمثل مصر عيب الكلام ده
ردو عليها وقالوا ده فريق ومش هكمل طبعا بس توقعوا انتوا هما قالوا ايه
وضحك واحد فيهم وقالها مفيش غير .................وبس
اما انا فرديت عليهم وقولتهم علي فكره لما ............. بيعلب مع فريق مش مصري انا بشجعه لانه بيمثل مصر
للأسف الموضوع ده حقيقي
لازم كلنا تبقي روحنا رياضيه ولازم كلنا نشجع اي فريق بيمثل مصر

[meshocool]

والله يا حياه نفس المشكله ديه بتحصل معاى فى الكليه على الرغم من انى كنت قاعد بشجع الاهلى فى متش السفاقس والله لما ابو تريكا جاب الجون قومت من الكرسى وحضنت صحابى واحنا ماشين بعد المتش قولتلهم تعرفوا مين اكتر ناس هتتحمل الفوز ده طبعا الزمالكاويا لان الاهلى بيكسب ده معنا ان الزمالك وحش لالالا طبعا مش معنى ان الاهلى كويس الفتره ديه يبقى لازم يبقى الزمالك وحش وفعلا بعد كده بقيت انا اول واحد بيتوجه ليه الكلام لما الاهلى يكسب فى اليابان زى(شوفت الاهلى فى زيه كده والزمالك لو راح كان عمل كده والكلام ده) كله على الرغم من انى برضو كنت قاعد بشجع معهم الفريق فى اليابان (الزمالك +الاهلى =منتخب مصرى قوى دورى محترم) وشكرا يا حياه على الخبر الجميل ده وسيبك من الاهلويه مش بيهم هنكسب او هنخسر وعلى فكره مش كلهم طبعا فى ناس صحابى اهلويه ريحين معاى متش الزمالك فى الاستاد امام الهلال

[حياه مشرقه]

شكرا يا مبشو علي المرورالرائع
وانت عندك حق في اهلويه كتير روحهم رياضيه لكن نتمني من الباقي التحلي بالروح الرياضه والنظر الي الزمالك علي انه فريق مصري مش فريق من بلد تانيه معاديه

[imim]

ارفعوا روسكم ايها الزمالكاويه وافخروا انك تشجعوا نادى لم تدخل السرقة او التزوير جدرانه زى ناس ..................

[حياه مشرقه]

اخيimim كلنا من المؤكد نشعر بالفخر لاننا زملكاويه
تسلم علي المرور

[عاشقة الأهلى]

يا جماعة ايه اللى حصل
طبعا ده من المفروض ان كل مصر تشجع الزمالك
لانه بيمثل مصر
وانتو مدايقين ليه
اللى يعمل اللى حصل مع حياة فى الجامعة
يكون انسان ليس عنده روح رياضية
ومش من حقه انه يشجع اى نادى
لان الرياضة معروفة بروحها الرياضية
وشكراااااااااااااااااااا على الموضوع الحلو ده

[حياه مشرقه]

والله انا فرحت اوي ان اهلويه يكون عندها روحك الرياضيه العاليه يا عاشقه الاهلي
والله اسعدني مرورك كثيرا غاليتي

[رونى2002]

الله عليكى ياحياة ياجميلة
اكيد على راى المثل المصرى اللى بيقول
ملقيوش فى الزمالك عيب بيقولوا ابيض الخدين
بلاش نقول احمر الخدين اصل الاهلوية يفكروا
اننا بنتمحك فيهم ولا حاجة وعلى فكرة الكلام دة
موجود فى كل حتة فى مصر انا زيك بالضبط بواجهة
الكلام عندى فى الجامعة بس لما حد يقول حاجة زى دى
تأكدى انى غيران من الزمالك اية اللى يخلى الزمالك دايما
حارق دمهم كدة الا اذا كانوا متضايقين عشان هو طول عمرة
فريق محترم زى اللعيبة اللى فية واكيد ان شاء الله الزمالك اللى
مش عاجبهم دة بكرة هيواريهم هو هيكون اية والايام بين الناس
دول وانا زمالكاوية وافتخر بكونى زمالكاوية حتى لو اصبح الزمالك
فريق درجة خامسة مش درجة اولى زى الاهلى ولا هما ناسيين
اننا الاهلى والزمالك مش الزمالك بس ولا الاهلى بس يعنى كلنا
بنلعب هنا بأسم مصر ولو هما مفكرين انهم بيعرفوا يلعبوا كورة
يروحوا الدورى الانجليزى ولا الايطالى ويشوفوا الكورة اللى على
اصولة وكفاية كدة عشان انا مش عاوزة اقول حاجة تزعل حد منى

[حياه مشرقه]

الله علي انتي يا مشرفتنا الهايله والله ديما رافعه معنويتنا
اصلا عندك حق لو الزمالك بفي درجه خامسه فلنا الفخر اننا زملكاويه
تسلمي يا حبيتي الغاليه علي المرور

[النسر المصرى]

يا جماعة انا زملكاوووى جدا وميهمنيش كلام اى حد بعدين احنا اتغلبنا من الهلال لانه فريق كبير وكان الافضل بمراحل وبعدين ان شاء الله فى العودة لواستحقيناالفوز مبروك علينا ولو خرجنا خيرها فى غيرها وبحبك يا زمالك

لو عشااااق الزمالك مليون فانا واحد منهم

لو عشاق الزمالك واحد فتأكدو انه انا

ولومفيش عشاق للزمالك تاكدو انى مت



يا زمااااااالك يا حبى يا حتة من قلبى