الفعل ورد الفعل - وما بينهما - زغروووته -

[المتمرد]

[color=#00008B]

اقدم لكم حصيله سرقه اليوم
من الفكر
وبحكم انو انا صعلوك في سرقه المفاهيم الحلوة
لنقلها لاخرين انا بعتبر نفسي بحبهون

فانا رديت على كل نصيحه
بسلوك من واقعنا
اللي هو ( .... )

وكيف بنستقبل الافكار الايجابيه

والكون الراي

بلا طول سيرة
وصلو على النبي
وكل من الو نبي يصلي عليه





فما هي صفات الناجحين بلا صغرة ؟؟؟؟

1- يسعون لايجاد التناغم الذي ينجم عن صهر الآراء المختلفه والخروج برأي جديد ولذلك فالناجحون لا يحيطون انفسهم باشخاص يفكرون مثلهم لان ذلك لا يخلق التناغم المطلوب. ال شوف هالحكي بالله ؟؟

الرد::::::::
حاول اد ما فيك كل ما لقيت شخص ممكن تتناغم انتا واياه في صهر الاراء
تجاهلو لانو هيك ازا نجح هو بكون ضعف الك انتا - مو هادا اللي بصير ؟؟؟
واد ما فيك اعمل على تحطيمه انتا والشله اللي بتشبهك في كراهيه النجاح او لا سمح الله نتيجه حقد
حاول استبعادة باي شكل يعني في المنتديات مثلا شو تعمل
حتى لو شكلت شله وهميه باسماء وهميه لابعادة عن الساحه تحت مسمى الاستفتاءات وانو العدد بغلب النوعيه
مو ؟؟؟ ولا انا غلطان متل العادة ؟؟
لكن معادله الحياه اجمل وفيها مفارقات غلت اي تصور بشري ناقص
لانو ما بصح الا الصحيح
2- انهم ناشطون وافعالهم صادره عن رؤيتهم وقناعاتهم
وليست ناجمه عن اهوائهم ،
ان الناجحون يمتلكون رؤية وحلما ارادوا ويريدون تحقيقه،
وليس المال هو الهدف الذي يسعون اليه ،
فكل الناجحين يمتلكون رؤية يريدون تحقيقها. يعني ال نصدق ال ؟؟

الرد :::::

حاول تكون ارتجالي
ولا ترد على هالكلام
شو قناعات ما قناعات ؟؟؟؟
بدو يتفلسف علينا الحج
واي رؤيه هاي اللي بيحكي عنها ؟؟؟؟؟
ابدا انتا ولا ترد
ارتجل وكون صاحب ردات فعل بدون تخطيط ووجع راس
واعمل لاجل المال حتى لو كان بالرشاوي والسرقات عادي
فالناس بتشوف المليونير مليونير بغض النظر من وين جايب ثروته
وبتوقف لو بمليون تحيه ومربع سلام
مو ؟؟؟

3- يتقنون فن الاتصال مع الاخرين فهم يستطيعون نقل افكارهم وتعليماتهم بدقه ،
وهم ايضا يجيدون الاستماع للاخرين. اخر سمعه والله ؟؟


الرد :::
شو استماع ما استماع ؟؟؟؟؟؟؟؟؟
هو انتا بدك تقعد تسمع لمن هب ودب ؟؟
الناس مقامات يا اخي واوعى تعمل هيك بتروح هيبتك بعدين ؟؟؟ - بتعرفوها النفخه الكزابه -
هيبتك اللي انبنى عليها مجتمعنا ووصلنا الى ما وصلنا اليه في ارقام الشعوب هه
اوعى تنسى
بزعل منك هه
واد ما فيك استهبل ادامووو ال واعمل حالك مش فاهم شو بيحكي
مع العلم انو كلامك مغطى ضو الشمس بوضوحو
في محاوله للاستهبال يعني والتغطيه على احساس النقص لديك منو

4- يسعون دائما لبناء الثقه المتبادله بينهم وبين من يعملون معهم
انطلاقا من مفهوم ان الانسان لا يستطيع ان ينجز كل ما يريده بمفرده.
شوف هالهبل انتا ؟؟ شي فظيع يعني

الرد ::::::

اوعى تثق بغيرك حتى اللي بتحس عندو ثقه بنفسو حاول انك تنسفلوو اياها
وشغل معاه كل الاساليب وبعدين كيف ما بتقدر تعمل الشي لوحدك ؟؟
شكلو بشكك في قوتك وعبقريتك وفرديتك وانفراديتك ( انانيتك ) يعني بس بصور مغلفه لتبرير الفعل
هادا اد ما فيك حاول تتفيه نواياه ومقصده واعمل حالك ال حكيم يعني انك شو يابا فاهم للناس انتا وما بتخيل عليك الحركات القرعه مع العلم انو مبين كل اللي بيجي منك بلا شعر انما يالله بعصر المسايرة من اللي متلك بمشي الحال 5- يحرصون على ان يربحوا
وان يربح جميع من يعمل معهم ،
كما يؤمنون بالعمل الجماعي
وبأن هناك اكثر من اسلوب لتحقيق المهمه
وعاده ما يختارون الاسلوب الذي حقق النجاح لهم وللاخرين.هادا حكي بيتصدق هادا ؟؟

الرد :::::
ليه يربح الجميع
وشوهو العمل الجماعي؟؟؟ هادا مين حكا عنو؟؟؟
انتا استغل الاخرين وادعس في بطونهون حتى تصل الى الربح
وهفو( يعني اسرقو وخليك شاطر )
الك من حقك هادا ( بدك يضحكو عليك ويقاسموك الربح )
سواء الادبي ولا المادي
الهون الله
هو انتا مسئول عن الاخرين ؟؟
عنهون ما ربحو
الاخرين فدا كندرتك ؟؟؟
6- يبدو ان وفي مخيلتهم صوره ذهنيه واضحه عما يريدون عمله
ولا يسمحون للاخرين بان يفرضوا عليهم اولوياتهم. خيال مريض بعيد عن السامعين ؟؟

الرد ::::::

اوعك تسمع هالحكي
انتا افرض على الاخرين شو بدك
حتى لو بدها تخرب الدنيا
وين شخصيتك يا حج ؟؟؟
اسمع احمل موس شبريه واستخدم اي وسيله متاحه
لعدم اعتبار الاخرين – وهاي متاحه لكتير اشخاص –
عصايه – قنوة
فغش في بطنه اللي بدو يقول به
به يعني ب بالفتحه السريعه وتسكين الها

7 - حريصون على تجديد النواحي
العاطفيه والاجتماعية والعقليه والروحيه
في حياتهم حتى لا يفقدوا تركيزهم على اهدافهم خلال انغماسهم في العمل.
شوف هالافق الواسع بعيد المدى ؟؟

الرد :::::

لاااء
ضللك في عملك واعبس في وجه الجميع
لحد ما تقع بسكته قلبيه
بتموت بطل جاد _ مفهوم خاطئ عن الجديه طبعا -
وعايزك تتمسك فيه
عناد في عناد
هيك بدي اياك تشوف الدنيا سودا غامق وحاول تسودها في وش التانيين ادامك
وبعدين شو تركز في اللي بتعملو ؟؟؟ لاء شتت فكرك تنوع توزع ضيع
لانو التركيز في شي واحد لانجازة يساوي ضيق في الافق
اوعى هه

بدي بس تلاحظو نقطه رقم 4
ونقطه رقم 6

قديه فيها نوع من الشفافيه
وقد يبدو فيها نوع من التضارب الا انو لو جمعت النقاط السبعه في سلوك مندفع بشكل بوتقه واحدة
رايح تلاقي انو بتكملها ما بتناقضها
ودا رايي في الاديه ( القضيه يعني )


واحلى تحيه للعروسه
والعريس

وبدنا كلنا هيك
نعمل خرجه لهالموضوع متل خرجة العرايس

وكلنا سوا

والله حلويتي....... يانفوسه
وكبرتي وبئيتي..... عروسه
وحدا نفسو مرتب يخلع النا احلى زغروووووووووته
بتعرفوها ؟؟؟

وسمعني احلا سلام
ورئصني يا جدع

بس

[Rebo]

هههههههههههه
ليش ردودك كلها شيطانية
المرة الجاية خليك محضر خير
ههههه يسلمووو يا عسل

[أوتار الحزن]

صراحه ما اعرف ازغرت هههههههه

بس موضوع راائع وبيثبت

[السلفى]

بسم الله الرحمن الرحيم
السلام عليكم ورحمة الله وبركاته

دائما متمرد ,,,


موضوع جميل .


محمد البسيونى <السلفي>

[احلام بلا اجنحه]

«®°·.¸.•°°·.¸¸.•°°·.¸.•°®» اخي المتمرد0000
والله ما بعرف ازغرت ولا كان زغرتت زمان هههههههه
عن جد موضوع تحفه والله وكلامك صحيح مليون المئه صح كل واحد دوبه حاله والباقي حط بالخرج خرجهم الله لا يردهم
اخي الكريم 00 لما بقراء كتاباتك بصراحه بدوخ وما بقدر اجمع افكاري صح
عن جد مبدع والله
تحياتي 000 إلك
منالاللهم صل على محمد وعلى آله وصحبه أجمعين«®°·.¸.•°°·.¸¸.•°°·.¸.•°®»

[عابــرة سبيل]

بيكون الي رد مرتب
بس لما اركز واتعلم الزغروتة وارجع ان شاء الله
هههههههههه





فيدرا

[عابــرة سبيل]

لا اتعلمت زغروتة ولا قدرت اركز من اصلو
لو انكتب الي اني استفيد من ها الموضوع راح ارد عليه
بس ادعي وقول يا رب






فيدرا

[لولو فلسطين]

اللهم صلي على سيدنا محمد وعلى آله وصحبه أجمعين

أنا برأي هاد الكلام إذا بده يدل على شي بدل على كرهك للناجحين أول شي

وتاني شي بدل على إنك بتحب حالك و بس ،، أنا كمان بحب حالي ،، كلنا بنحب حالنا بس هيك كتير

كتير كتير كمان مو شوي

زوتها يا زلمه

صار نوع من الأنانية و الحسد

إحكيلي خليكي بحالك إنتي أحسلك

هههههههههههههههههه

أنا عني ما إلي دخل بحد

إلي بحالي و بس ،، بدي أنافس بنافس حالي

ما بروح أشوف هادي شو عملت و أغار و لا أكرها

شو بدي فيها أصلا ،، عقلي غير عقلها ،، تفكيري غير تفكيرها

ليش أتعب حالي وأشتغل بالناس

هاد ناجح وهاد لأ

تعبت وأنا بكتب

خخخخخخخخخخخ

شكراً على ردودك المتمرده وعلى مواضيعك اللي بتخلي الواحد يحكي عضبن عنه

عنجد متمرد

يعطيك العافية يارب

[romancedrakola]

متمرد ومبدع مش هقولك اكتر من كدا هههههههههههه بس واحنا مطلوب مننا نزغرت برده ؟ ههههههههه

[•.°.• Carmen• .°.•]

هههههههههه الموضوع غريب قوى متمرد
كويس انك تكون مستمع وايجابى
والتفاعل بينا هو اللى بيشد العجلة لقدام

[المتمرد]

المشاركة الأصلية كتبت بواسطة Rebo

هههههههههههه
ليش ردودك كلها شيطانية
المرة الجاية خليك محضر خير
ههههه يسلمووو يا عسل

ههههههههههههههه
ملاحظتك سليمه فعلا

المساله انا وضعت الردود منعكسه من وحل الواقع
اعرفت كيف

يعني نوع من الكتابه الساخرة اما الافكار الموجودة عن الناجحين

اعرفت كيف
يعني بالزبط كيف التخلف بيقابل الفكر الجيد

بس

ومليون هلا
وشكرا على التعليق اللي بيدل على انو الموضوع انقرأ منيح

[المتمرد]

المشاركة الأصلية كتبت بواسطة همسة حــب

صراحه ما اعرف ازغرت هههههههه

بس موضوع راائع وبيثبت

ههههههه
ما في مشكله
التصفير بحل الموضوع

والرائع هو مرورك
ومليون هلا